واشنگٹن/نیوزنور/ امریکہ کے ایک سیاسی تجزیہ نگار ’’ارک ڈریسٹر‘‘ نے کہا کہ امریکہ کے سابق صدور کی طرح باراک اوباما بھی دہشتگردی کے اصلی حامی اور سرغنہ ہے۔انہوں نے باراک اوباما کے دہشتگردوں کے خلاف لڑنے کے حالیہ دعویٰ کو من گھڑت، جھوٹ اور بے بنیاد قرار دیتے ہوئے کہا کہ واشنگٹن دنیا بھر میں پھیلی دہشتگردی کو فروغ دینے میں پیش پیش رہا ہے۔تجزیہ کار کے مطابق امریکہ کے دنیا بھر میں پھیلے دہشتگرد گروہوں کے ساتھ خفیہ روابط ہیں ۔انہوں نے کہا کہ دنیا بھر میں ایسی لاکھوں مثالیں موجود ہیں جن سے پتہ چلتا ہے کہ امریکہ نے دہشتگردی کو پھیلانے کیلئے ان کی مالی و اسلحی معاونت کی ہے اور یہ ملک اپنے ناجائز مفادات کی خاطر دنیا بھر میں ان دہشتگردوں کو ایک مہرے کے طور پر استعمال کرتا آرہا ہے۔تجزیہ کار نے کہا کہ دہشتگردی امریکہ کا ایک ایسا قوی ہتھیار ہے جو امریکہ اپنے ناجائز سیاسی مقاصد کیلئے استعمال کرتا ہے جسکی مثال ہمیں تمام دنیا خاص کر مشرق وسطیٰ میں مل رہی ہے۔انہوں نے کہا کہ امریکی صدر باراک اوباما ملک کے سابق صدور کی طرح دہشتگردی کا ایسا سرغنہ ہے جن کی دور حکومت میں دہشتگردی عروج پر پہنچی ہے۔امریکہ وہ ملک ہے جس نے اس وحشی گروہ کو اپنے ناجائز مقاصد کی خاطر پروان چڑھایا ہے۔